Æðsta forsætisráð Kirkju Jesú Krists hinna Síðari daga heilögu hefur gefið út eftirfarandi yfirlýsingu:
„Við syrgjum ásamt heiminum andlát hans heilagleika Frans páfa. Hugrekki hans og samúð sem leiðtoga hefur blessað ótal mannslíf. Við sendum öllum þeim innilegustu samúðarkveðjur sem litu til hans eftir innblæstri og leiðsögn. Þegar heimurinn staldrar við til að minnast fordæmis hans um fyrirgefningu og þjónustu, finnum við til innilegs þakklætis fyrir gæskuríkt líf hans og fögnum í voninni um dýrðlega upprisu sem gerð er möguleg fyrir friðþægingarfórn Jesú Krists.“
Frans páfi tekur á móti Russell M. Nelson forseta í Vatíkaninu, laugardaginn 9. mars 2019.
Russell M. Nelson forseti heilsar Frans páfa í Vatíkaninu í Róm á Ítalíu, laugardaginn 9. mars 2019.
Russell M. Nelson forseti afhendir Frans páfa litla styttu af Kristi og innrammað eintak af yfirlýsingu kirkjunnar um fjölskylduna. Nelson forseti og M. Russell Ballard forseti heimsóttu Frans páfa í Vatíkaninu, laugardaginn 9. mars 2019.
Frans páfi heilsar Henry B. Eyring forseta í Sýnódus-salnum í Vatíkaninu þegar umræða um hjónabandið hefst. Trúarleiðtogar og fræðimenn sem voru fulltrúar 14 trúarsamtaka frá 23 löndum, komu saman í Vatíkaninu 17.–19. nóvember 2014 á sögulegri samkomu á vegum kaþólsku kirkjunnar, til að ræða hvernig karlar og konur bæta hvort annað upp í hjónabandi.
Árið 2019 átti Russell M. Nelson forseti fund með Frans páfa í Vatíkaninu og var þetta fyrsti slíki fundurinn. Nelson forseti sagði um þann fund: „Við áttum afar hjartanlega og ógleymanlega upplifun með hans heilagleika. Hann var afar auðmjúkur, hlýr og vingjarnlegur. Hve ljúfur og yndislegur maður hann er og hve lánsamir kaþólikkar eru að eiga slíkan auðmjúkan, umhyggjusaman, ástríkan og hæfan leiðtoga.
Fleiri heimildir