Æðsta forsætisráðinu er ánægja að tilkynna að þegar í stað geta ungar sem kjósa að þjóna sem fastatrúboðar hafið þjónustu við 18 ára aldur, eftir útskrift úr framhaldsskóla eða álíka skóla.
Þótt Drottinn biðji sérhvern verðugan, hæfan pilt, sem hluta af þeirri prestdæmisábyrgð hans, að búa sig undir og þjóna í trúboði, þá ítrekum við að trúboðsþjónusta er áfram valfrjálst tækifæri fyrir ungar konur. Okkur er ljóst að þær stúlkur sem þrá að þjóna í fastatrúboði, munu ekki allar vera á sama aldri þegar þær hefja þjónustu.
Við færum unga fólki kirkjunnar elsku okkar og hrósum því fyrir staðfestu sína.
Að morgni föstudagsins 21. nóvember 2025, ræddu fjórir kirkjuleiðtogar við fjölmiðla um þessa tilkynningu. Sumar athugasemdir þeirra eru hér að neðan.
Emily Belle Freeman forseti
Aðalforseti Stúlknafélagsins og meðlimur í trúboðsframkvæmdaráði
„Við erum svo spenntar yfir þessari tilkynningu sem aðalforsætisráð Stúlknafélagsins og hvaða þýðingu þetta hefur fyrir stúlkurnar okkar. Þessi tilkynning tekur þegar gildi, sem þýðir að stúlkur geta hafið undirbúning nú þegar til þjónustu við 18 ára aldur, hafi þær útskrifast úr framhaldsskóla. Þær munu geta sent inn umsókn sína 150 dögum fyrir afmælisdag sinn eða framboðsdag sinn.
Við elskum hvað þetta gerir fyrir þessar ungu konur. Þetta veitir þeim tækifæri, þegar þær fara úr Stúlknafélaginu og komast á fullorðinsárin, til að íhuga alla möguleikana sem eru í boði fyrir þær.
Öldungur Matthew S. Holland
Aðalvaldhafi Sjötíu og framkvæmdastjóri Samskiptadeildar kirkjunnar
„Kona sem velur að þjóna í trúboði, ætti að íhuga í bænarhug tímasetningu þess. Þetta er mjög einstaklingsbundin ákvörðun. Þessi breyting veitir þeim konum sem velja að þjóna í trúboði aukið tækifæri og aukinn sveigjanleika varðandi það hvenær þær hefja trúboðsþjónustu sína á þeim lífstíma er þær geta valið úr fjölda ólíkra, dásamlegra tækifæra til að læra og vaxa og þroskast.“
Öldungur W. Mark Bassett
Aðalvaldhafi Sjötíu og framkvæmdastjóri trúboðsdeildarinnar
„Við viljum undirstrika að trúboðsþjónusta er prestdæmisábyrgð pilta og það er skylda þeirra að þjóna, en þó áhrifaríkur, en valkvæður valkostur, fyrir ungar konur. Hver piltur sem fær trúboðsköllun þjónar í 24 mánuði. Hver stúlka sem fær köllun þjónar í 18 mánuði. Það er engin breyting þar á. Eina undantekningin væri, til dæmis, piltur eða stúlka gæti glímt við einhvern heilsubrest.“
Systir Amy A. Wright
Fyrsti ráðgjafi í aðalforsætisráði Barnafélagsins og meðlimur í trúboðsframkvæmdaráði
„Þjónustualdurinn hefur verið stöðugur í mörg ár. Þegar við höfum spurt stúlkur um allan heim og boðið þeim að vera ígrundandi þáttur í þessu opinberunarferli, höfum við komist að því að yfirgnæfandi meirihluti þeirra hefur fremur viljað að þjónustutími þeirra sé 18 mánuðir.“